Əziz və möhtərəm zəvvar! Bildiririk ki, bu kiçik kitabı hazırlamaqda məqsədimiz ondan ibarətdir ki, Qafqaz Müsəl- manları İdarəsi tərəfindən mütəmadi təşkil olunan Ümrə ziyarətinə gedərkən Ümreyi-müfrədənin əməlləri ilə yaxından tanış olasınız.
Onu da bildiririk ki, əlinizdə olan bu kitabça iki hissədən ibarətdir. Birinci hissədə Ümrə ziyarəti ilə bağlı vacib əməllər və müstəhəbbi məqamlar, həmçinin dualar qeyd olunmuşdur. Qeyd edək ki, zəvvar üçün rahat olsun deyə, ərəbcə verilmiş bu duaların transkripsiyaları da yazılmışdır. Kitabçanın ikinci hissəsində isə Məkkə və Mədinə şəhərlərində olan müqəddəs məkanlar barəsində məlumatlar və Həzrət Peyğəmbərin (s) ziyarətnaməsi verilmiş, habelə bu müqəddəs məkanların foto-şəkilləri əks olunmuşdur.